منتدى ازهار العراق
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى ازهار العراق
 
الرئيسيةأحدث الصورالتسجيلدخول

  يعلن منتدى داني ايراكيان عن وجود مساحات اعلانية مجانية ولفترة محدودة سارع بالحجز كبل مايخلص العرض   نشرة اخبار الجزيرة اول باول   اعرف الحب بينك وبين حبيبك  


 

 اجمل الابوذيات على الماشي

اذهب الى الأسفل 
كاتب الموضوعرسالة
وليد الدفتر
عضو جديد
عضو جديد



عدد المساهمات : 32
تاريخ التسجيل : 18/09/2009

اجمل الابوذيات على الماشي Empty
مُساهمةموضوع: اجمل الابوذيات على الماشي   اجمل الابوذيات على الماشي Icon_minitimeالثلاثاء أكتوبر 20, 2009 10:33 am

اضعفت وما واحد بربعي كواني
وشلت حملي على اجتافي كواني
اموتن وجوع وابقى البس كواني
ولا فد يوم امدلهم ايديه

برضه الكلب اليحبك مارضيته
وياعظم بغيابـــــك ماضيته
حبيبك ليش خايب ما رضيته
بسبب فركاك خاوتني المنيه

اذا افتكيت انت انه شفتك
لان بحشاي تركــــض انه شفتك
ردت مره ابوســـــــن انه شفتك
لكيت اشفاك تغفه ابين ايديه

ابد لا يجي ابالكـــ ماكر اني
افر بهمومي عنكــــ ماكراني
الحزن سد نهر عمري و ماكراني
فرح وبيا بخت تحتار بيه

بعد ايامي من دونك متراد
جروحي ابغير طعناتك متراد
كل الي نظر وجهي متر رد
ما يعرفني ويشبه عليه

احبابي علمودكـــــ ودعوني
طحت ما شفت واحد ود عوني
انه بعرسك دعونــــي ودعوني
نفسهم جانو ايشتمون بيه

اشكثر هم ابدليلي يا معانه
وتعذب كلبي يا ما يا معانه
يعمي انته معاهــــم يا معانه
تهد وتفزع وتاهت عليه

شيضرك ان تسامح ونتهديت
وكلتلك لا تهدني ونت هديت
انه الهديت كلبكـ ونتهديت
وراي وهدتك صارت عليه

انه الميت بطعناتك شعدلاك
وحده اثنين شحسبلك شعدلك
عوج من جدمك لراسك شعدلك
عدلتك وانكطعت ابين ايديه

الدنيا حاربتني وحيل ياريت
والي بحبل النوايب غصب ياريت
جبت العمر كله ياريت ياريت
ولا بشارة فرح مرت عليه

حبيبي يا دغش مني بدالك
وصفه غير الهجر مامش بدالك
اذا ظنك احب واحد بدالك
احب روحي لانك روحي بيه

مهموم الكلب بي حزن بيداي
ونه مسودن ودك اثر بيداي
تره من اول لبابك وادك بيداي
احس الباب هو يدك ايديه

املازم حزن دهـــري لازماني
ولا صاحب فزعلـــي لازماني
صم من الجمر بيدي لازماني
حركني وماكلت محتركه ايديه

الوكت انصف معه الشامت وعلاه
وتركني اعله الحزن اطرب وعلاه
الف داي الصفت بيه وعلاه
ومثل جرحك جذب مامر عليه
15
@@@@@@@@@@@@@@@@@


مشيت وكلبي لشواكه يردني
وبس للضيم اشو وكتي يردني
بعده العوز مامرج يردني
كصرتي والشماته اتشوف ايديه

يعد ميفيد توضيحي وشرحاي
وابد ميهمني شر ميت وشرحي
مسرتي وفرحي كلها وشرحاي
عشتها بيوم كعدنه سويه


كولي اشما يجي ابالج وعيدي
وعوفي ابساع تهديدي وعيدي
عيدج صار مرجوحه وعيدي
انكلب سّله ويبزز بس بديه

حبيبي بعطر زلفه طيباني
وجنت وجعان وجفه طيباني
جثيره الناس كالت طيب اني
غشيم وصدكت بيهم خطيه


شبيهك بالحواري العين يندار
ولجدامك فرشت الروح يندار
نذر عمري اعله عمرك كون يندار
وشكز عندك علل تندار بيه

مضة الطيب من ايامك وشل الحل
تعب وهموم ومعاتب وشل الحل
جاي اليوم تسألني وشو الحل
ذره من العقل ما بقت بيه

حلو طبعك حلو ومحبوب بس بس
تصدك اشما بشر بذانك بس بس
بسك من حجي الينكال بس بس
حجي النا س اشوراه غير الاذيه

سواد العين عكبك سالمني
وعدوي من المكابر سالمني
جفوف هواي بعدك سالمني
لهسه ونار جفك بين ايديه

اصد وازعل وادير العين طبعآ
لان لجمات الك بالكلب طّبعآ
حلو وتنحب ولكن بيك طبعين
تشك وتغار من روحك عليه
__________________
الرجوع الى أعلى الصفحة اذهب الى الأسفل
 
اجمل الابوذيات على الماشي
الرجوع الى أعلى الصفحة 
صفحة 1 من اصل 1
 مواضيع مماثلة
-
» اجمل طف بتشوفها عيونك

صلاحيات هذا المنتدى:لاتستطيع الرد على المواضيع في هذا المنتدى
منتدى ازهار العراق :: قسم الشعر الشعبي-
انتقل الى: